वीलभयू फाउन्डेसनद्वारा जीतपुर सिमरामा बृहद रक्तदान कार्यक्रम सम्पन्न
आमाको प्रेम सारा संसारमा भन्ने नाराका साथ वीलभयू फाउन्डेसनद्वारा जितपुर सिमरामा रक्तदान कार्यक्रम आयोजना गरेको हो । रक्तदान कार्यक्रममा करीब ३०० जना सहभागी भएको आयोजक संस्थाले बताएको छ । मधेस प्रदेशस्थित जितपुर सिमरामा अवस्थित एवरग्रीन तराई सिमरा अस्पतालको सभाहलमा करीब ३०० जना मानिसहरू भेला भएको र सोहि अवसरमा रक्तदान कार्यक्रमा आयोजना गरिएको हो ।विश्वव्यापी कल्याणकारी संस्था अन्तर्राष्ट्रिय वीलभयू फाउन्डेसनको ‘विश्वव्यापी रक्तदान अभियान’मा सहभागी हुन बीरगञ्ज हेटौडा बस्तीपुर चपुर हरिवन बर्दिबास सिन्धुलीका विभिन्न ठाउँबाट आएका वीलभयूका सदस्यहरू सहित वीलभयूका सदस्यहरुका आफन्तजन लगायत पारिवारिक सदस्य उपस्थित रहेको कार्यक्रमा संस्थाको उदेश्य र रक्तदान कार्यक्रम भएको हो ।
वीलभयूका एक सदस्यले बताए अनुसार “अहिलेसम्म जोखिममा परेको जीवन बचाउने सबैभन्दा सुरक्षित तरिका भनेको नै रक्तदान हो । जीवनको कदर गर्दै रक्तदान कार्यलाई व्यवहारमा लागू गर्न सदस्यहरू कार्यक्रममा सहभागी भएका हुन् । रगत अभावका कारण मृत्युको मुखमा परेका मानिसहरूको जीवन बचाउने कार्य र खाँचोमा परेका छिमेकीहरूलाई सहयोग पुऱ्याउनेछ भन्ने आशा सहित कार्यक्रम आयोजना भएको उनले बताए ।
कार्यक्रममा उपस्थित हुँदै जितपुर सिमरा उपमहानगरपालिकाका उपप्रमुख श्री भोला प्रसाद अधिकारीले “रक्त अभाव भइरहेको वर्तमान समयमा यस परोपकारी संगठनले पुर्याएको कल्याणकारी कामको लागि कदर गर्दै धन्यबाद ब्यक्त गर्नु भएको थियो । रक्तदान कार्यक्रममा जितपुर उपमहानगरपालिका वडा नं २ का वडाध्यक्ष श्री धन बहादुर श्रेष्ठ ,प्रहरी उपरीक्षक सुभद्रा लामा साथै स्थानिय अस्पतालका डाक्टरहरूको समेत आतिथ्यता रहेको थियो । रक्तदान कार्यक्रममा सहभागी भएका ३ सय जना मध्ये १५९ जना वीलभयूका सदस्यहरुले रक्तदान गरेका थिए । उक्त कार्यक्रममाबाट ६३.६०० एम.एल.रगत संकलन भएको थियो । रक्त अभावका कारण उपचार गर्न कठिनाइ भोगिरहेका मानिसहरूलाइ र अस्पतालहरूलाई यसले ठूलो सहयोग पुऱ्याउने अपेक्षा आयोजकले गरेको छ ।
यसअघि सातै प्रदेशमा वीलभयूले काठमाडौँ,भक्तपुर,ललितपुर,नेपालगंज,जस्ता विभिन्न ठाउँहरूमा रक्तदान अभियान आयोजना गरेर अमूल्य जीवन बाँड्ने कार्यमा योगदान पुऱ्याएको वीलभयूका प्रतिनिधिले जानकारी दिएका छन । सन् २००४ मा कोरियाबाट सुरु भएको रक्तदान अभियानको यो २२ औँ वर्ष हो । अहिलेसम्म ६४ वटा देशहरूबाट ५२,२०० जनाभन्दा बढीले रक्तदान गरिसकेका छन् । यस संस्थाले रक्तदान गर्नुको साथै विभिन्न तरिकाले मानव कल्याणका गतिविधिहरू गर्दैआएको छ । सन् २०१५को महाभूकम्प पीडितका निम्ति राहत कार्य, लुम्बिनीमा भारी वर्षाबाट क्षतिग्रस्त घर नयाँ गरी निर्माण गर्न सहयोग र कोभिड(१९) महामारीलाई पराजित गर्न क्वारेन्टिन सामग्री वितरण इत्यादि राष्ट्रिय विपद्का बेलामा पनि यो संस्था सक्रियतापूर्वक सरिक हुँदैआएको छ । यो संस्था भावी पुस्ताको शैक्षिक सहयोगमा पनि केन्द्रित रहेको संस्थाका पदाधिकारीले बताए ।
बागमती प्रदेशको भक्तपुर मध्यपुर ठिमीस्थित श्री सरस्वती विद्यालयको लागि साइनबोर्ड जडान, घेराबार मर्मत तथा पंखा सहयोग, कोशी प्रदेशस्थित श्री सेतो गुराँस नमूना बालवाटिका आधारभूत विद्यालयमा खेल मैदानको लागि जग्गा खरिद रकम हस्तान्तरण जस्ता कार्यहरूमार्फत वीलभयूले शैक्षिक वातावरण सुधारका लागि पनि पहल गर्दै आएको छ ।
वीलभयूले आफ्ना छिमेकीहरूलाई दिगो जीवनको आधार उपहारस्वरूप प्रदान गर्न वातावरणीय कल्याणकारी गतिविधि, ‘क्लिक वर्ल्ड अभियान’ आयोजना गर्नुका साथै विश्वव्यापी तापमान वृद्धिको मुख्य कारण रहेको हरितगृह ग्याँसलाई कम गर्न ‘आमाको उद्यान (Mom’s Garden) प्रोजेक्टमार्फत वृक्षारोपण पनि गर्दै आएको छ । वीलभयूले बागमती प्रदेशको चन्द्रागिरी र कागेश्वरी मनोहरा नगरपालिकामा ४४० वटा वृक्षहरू रोप्नुका साथै वरिपरिको वातावरण सरसफाइ पनि गरेको छ ।
अन्तर्राष्ट्रिय वीलभयू फाउन्डेसनचाहिँ संयुक्त राष्ट्रसंघको विश्वव्यापी सञ्चार विभाग (UNDGC) सँग सहकार्य गर्ने गैरसरकारी संस्था हो । ७९ वटा देशका १,५५,००० जना सदस्यहरूले ‘आमाको प्रेम सारा संसारमा’ भन्ने नाराअन्तर्गत वातावरण संरक्षण, आपत्कालीन राहत, पानी तथा सरसफाइ, गरिबी तथा भोकमरी उन्मूलन, स्वास्थ्य कल्याण, समाज कल्याण र शैक्षिक सहयोग जस्ता विभिन्न गतिविधिहरू ४,५०० पटकभन्दा बढी सञ्चालन गरिसकेको डाटा रहेको जनाएको छ ।
यसको सम्मान स्वरूप, वीलभयूले कोरियाली सम्मान पदक, अमेरिकी राष्ट्रपति स्वयंसेवा अवार्ड स्वर्ण, इक्वेडोरको राष्ट्रिय सभा पदक र कम्बोडियाको राजकीय पदक जस्ता थुप्रै अवार्डहरू विश्वभरिबाट प्राप्त गरिसकेको छ । नेपालमा पनि वीलभयूले नेपाल पर्यटन बोर्डबाट प्रशंसा-पत्र, इटहरीका मेयरबाट प्रशंसा=पत्र, कीर्तिपुरका मेयरबाट प्रशंसा-पत्र र नेपाल रेडक्रस सोसाइटीका प्रतिनिधिबाट कदर-पत्र समेत प्राप्त गरेको छ ।
